Македонскиот репрезентативец Стефан Ристовски е префрлен во Б-тимот на Спортинг Лисабон. Откако одби да замине во Русија, а беше во контакти со Динамо Москва, тренерот Рубен Аморим одлучи да го префрли Ристовски во резервниот состав заедно со Рафаел Камачо. На него му беше препорачано да си замине од клубот, а имаше преговори со Динамо Загреб.
Сепак, и двајцата одлучија да останат во Спортинг Лисабон и добија префрлување во Б-тимот. Пораката од клубот е дека ќе бидат дел од резервниот состав се додека не реши поинаку тренерот Рубен Аморим.
За Ристовски се интересираа и Валјадолид и Сасуоло, но на крајот одлучи да остане во Португалија најмалку уште шест месеци.
