Манчестер Јунајтед се пласираше во финалето на Карабао купот откако победи и во реванш полуфиналето против Нотингем Форест со 2-0. Тимот ќе има шанса да се бори за првиот трофеј откако Холанѓанецот го презеде клубот.
Менаџерот Ерик тен Хаг призна дека едвај чека да се соочи со Њукасл на „Вембли“.
„Штом победиме и продолжиме понатаму, сѐ е во ред. Да бидам искрен, првото полувреме не беше добро. Го одигравме професионално, но темпото беше премногу бавно. Не создадовме многу шанси, но во исто време дозволивме две добри шанси за противникот, што не треба да се случи. Во вториот дел одигравме многу подобро, со повеќе темпо и постигнавме убави голови“, изјави Тен Хаг.
Во врска со претстојното финале со Њукасл, тој е оптимист.
„Секако дека со нетрпение го очекуваме. Одиме на „Вембли“ и ќе се соочиме со Њукасл, кој е одличен тим. Но, тоа е уште далеку и добро ќе се подготвиме“, истакна холандскиот стратег.
