Менаџерот на Манчестер Јунајтед, Ерик тен Хаг, го изрази својот оптимизам за иднината на тимот откако „црвените ѓаволи“ го победија Лутон на „Олд Трафорд“ со 1-0 и го заземаа шестото место на табелата во Премиер – лигата.
„Без разлика на сите проблеми со кои се соочивме, сепак сме блиску до топ 4. Кога ќе бидеме компетни неколку недели и месеци, и ќе почнеме да прикажуваме квалитетен фудбал, другите тимови ќе испуштаат бодови и сè ќе изгледа многу подобро“, коментираше Тен Хаг.
„Победивме четири од последните пет натпревари во Премиер – лигата, што е добро. Ние сме во поволна позиција. Наспроти позадината на сите тешкотии, нашата ситуација не е лоша. Ова е причина за оптимизам“, смета Холанѓанецот.
„Секако мораме да го подигнеме нивото на нашите игри. Охрабрува фактот што создаваме многу шанси. Ќе продолжиме да се движиме во вистинската насока и да акумулираме повеќе бодови“, изјави Тен Хаг.
