Најпријатното изненадување по првиот дел од шампионатот во Првата лига, тимот на Македонија ЃП денеска ги стартуваше зимските подготовки. Тренерот Жикица Тасевски ги прозиваше фудбалерите, им ги претстави целите на клубот за излез на европска сцена, а потоа тимот почна со работа.
Како дополнување на играчкиот кадар засега се дефанзивецот Чарлестон од Вардар и офанзивниот играч за врска Робсон да Силва, кој е повратник меѓу ѓорчепетровци од Беласица.
Македонија ЃП до 22 јануари ќе тренира во Скопје, а потоа ќе замине на подготовки во Аланија, Турција. Таму ќе одигра неколку квалитетни меѓународни пријателски натпревари со Олександрија, Ихнулетс и Славија Софија.
