Франција со убедлив триумф (4-1) над Австралија ја стартуваше одбраната на титулата светски првак. „Триколорите“ се соочија со многу повреди пред стартот на Мундијалот, но секако имаат импресивен тим кој би можел да го одбрани насловот.
Австралија ги изненади на почетокот со голот на Крег Гудвин во деветтата минута, но одговорот дојде преку Адриен Рабио и Оливие Жиру.
Во второто полувреме погодија и Килијан Мбапе и повторно Оливие Жиру за убедлив почеток на Светското првенство.
