Англија и математички испадна од елитната група во Лигата на нации на едно коло пред крајот. Во групата 3 имаат два бода, четири помалку од третопласираната Германија, додека Италија има осум, а Унгарија десет бода. Иако селекторот Герет Саутгејт вели дека не може да биде премногу критичен, неговиот тим постигна само еден гол на пет натпревари.
Стрелец во ремито со Германија (1-1) од пенал во 88. минута беше Хари Кејн. Англија, значи, ниту еднаш не ја погоди мрежата од игра и во оваа сезона од Лигата на нации се израмнија со Сан Марино, кој има постигнато исто така „нула голови“ во најнискиот ранг.
По вчерашниот пораз од Италија на Сан Сиро (1-0), Англичаните не можат да се спасат од испаѓање ниту со победа во последното коло, во кое в понеделник на „Вембли“ ќе играат против Германија.
