Струга ТЛ прва „одлета“ во Анталија (ФОТО)

Македонскиот првак Струга Трим Лум ја одработи првата фаза од подготовките во сопствената база и дојде време за преселба во потоплите краишта. Стружани се пресели во Анталија, каде ќе ја реализираат главната фаза, воигрување на тимот и одигрување на неколку пријателски натпревари.

Најголемите засилувања за Струга ТЛ сигурно ќе бидат повратниците Буњамин Шабани и Бесмир Бојку, кои беа повредени во поголем дел од есенската полуетапа, а дојдоа и две нови имиња, Папе Фал и Меметриза Хамза.