Струга ТЛ го задржа Буњамин Шабани уште една сезона

Македонскиот прволигаш Струга Трим Лум продолжува со одлична работа во летниот преоден рок. Откако го ангажира Бесарт Ибраими како супер-засилување, клубот успеа да го задржи и капитенот Буњамин Шабани кој го продолжи договорот за уште една година.

Шабани во екипата на Струга ТЛ дојде летото 2020 година, а минатата сезона беше еден од најстандардните играчи со 34 настапи. Тој досега одигра вкупно 62 натпревари, постигна четири гола и забележа осум асистенции.