Македонскиот репрезентативен голман Столе Димитриевски е пред трансфер во Ал Наср од Саудиска Арабија. Иако во изминатиот период се шпекулираше со негово можно заминување во Барселона, сепак, самиот Димитриевски тоа го демантираше, а многу пореална е понудата од Ал Наср.
Столе Димитриевски ги договори личните услови за трансферот, а преговорите меѓу Рајо Ваљекано и Ал Наср се во напредна фаза. Клубот од Саудиска Арабија треба да плати отштета од 4 милиони евра, плус дополнителни бонуси кои ќе зависат од успесите на Ал Наср во наредниот период.
Доколку падне и конечен договор, ете го Столе Димитриевски во првенството на Саудиска Арабија каде веќе настапува Езгјан Алиоски во дресот на Ал-Ахли.
