Рајо Валјекано направи изненадување и ја победи Барселона на домашен терен со 2-1. Македонскиот репрезентативен голман Столе Димитриевски беше одличен на голот на Рајо, а во завршницата сепак не успеа да го скроти шутот на Роберт Левандовски во 83.минута.
Но, и за него и за соиграчите е најважен триумфот. Алваро Гарсија во 19.минута обезбеди водство за Рајо Валјекано против Барселона, а Фран Гарсија во 53.минута зголеми на 2-0.
Рајо Валјекано се наоѓа на деветтата позиција на табелата, додека Барселона е на врвот и има 11 бода предност пред Реал Мадрид.
