Стефан Савиќ по петти пат најдобар фудбалер на Црна Гора

Фудбалерот на Атлетико Мадрид и црногорски репрезентативец Стефан Савиќ по петти пат во кариерата е прогласен за најдобар фудбалер во својата земја.

Тој во анкетата на Црногорскиот фудбалски сојуз доби 96 гласа и победи убедливо пред Стеван Јоветиќ кој доби 35 гласа. Треторангиран е дефанзивецот на Партизан, Игор Вујачиќ, кој доби 24 гласа.

Стефан Савиќ оваа година со Атлетико Мадрид ја освои титулата шампион на Шпанија.