Стефан Ристовски одвоен од останатите фудбалери го одработи денешниот официјален тренинг на репрезентацијата во Талин. Тоа е последна подготовка пред мечот со Естонија кој е закажан за утре во 18 часот, а десниот бек е неизвесен за настап.
Тој има повреда на прстот на ногата, но како што се шегуваат останатите, за еден прст не се пропушта натпревар на националниот тим. Лекарскиот тим веројатно ќе успее да го оспособи за настап, затоа што ионака селекторот Игор Ангеловски има многу проблеми при составувањето на одбраната.
