Динамо Загреб ја оствари првата победа оваа сезона во Лигата на шампионите откако славеше на гости против Салцбург со 0-2. Македонскиот интернационалец Стефан Ристовски кој беше асистент на двата гола за Динамо, по што беше избран и за играч на натпреварот.
„Чувството е прекрасно, горд сум, голема ноќ за сите нас во Динамо. Заслужено победивме во една преубава атмосфера. Сѐ она што го договаравме пред натпреварот го исполнивме, ги спречивме нивните контри, одигравме врвен натпревар. Оваа победа ќе ни донесе враќање на самодовербата по шокот на стартот во ЛШ“, изјави Стефан Ристовски.
