Ставрев ќе го суди мечот Јанг Бојс – Андерлехт

Најдобриот македонски судија Александар Ставрев ќе има нова европска задача. Тој е одреден за главен судија на натпреварот меѓу Јанг Бојс и Андерлехт во плејофот од Конференциската лига на УЕФА.

Негови помошници ќе бидат Дејан Костадинов и Куштрим Лика, а четврти судија е Александар Грујоски.

Натпреварот меѓу Јанг Бојс и Андерлехт се игра во четврток (18 август) со почеток од 19 часот на стадионот во Берн, Швајцарија.