Среќно на ЕП! Фудбалерите тргнаа кон Букурешт (ФОТО)

Фудбалската репрезентација на Македонија тргна на пат кон Букурешт каде ќе го има историскиот прв настап на Европското првенство. Селекторот Игор Ангеловски и фудбалерите ги подготвија куферите и со брендираниот автобус се упатија кон аеродромот во Скопје од каде со чартер лет ќе заминат за Романија.

Во Букурешт ќе ги имаат последните пет дена од подготовките пред првиот дуел со Австрија на 13 јуни. Пријатна е секако веста дека сите ПЦР – тестови се негативни и македонскиот национален тим во мир може да патува на ЕП.