Фудбалската репрезентација на Србија ќе мора да игра еден натпревар без публика и да плати вкупна парична казна од 89.250 евра поради навивачките инциденти на натпреварот против Црна Гора.
Казната на УЕФА ќе може да се замени со исполнување на стадионот во Лесковац со деца на возраст до 14 години. Тоа е најважниот натпревар за Србија за пласман на ЕВРО 2024 година, а ја пречекува селекцијата на Бугарија.
УЕФА ја казни и Фудбалската федерација на Црна Гора за истиот натпревар против Србија на стадионот „Рајко Митиќ“ (3-1) со вкупно 20.000 евра и забрана за водење навивачи на следниот натпревар на гостински терен.
