Спектакуларен финиш на „Олимпико“ – Рома поведе во 93., а Милан израмни во 97. (ВИДЕО)

Рома и Милан одиграа 1-1 на „Олимпико“, а најинтерсните моменти се случуваа во судиското продолжение. Тами Ејбрахам донесе водство за „волчицата“ во 93.минута и кога се чинеше дека домаќинот е блиску до триумф, возврати Милан.

Одбраната на Рома во 97.минута го подзаборави Алексис Салемакерс, кој се уфрли на вториот дирек по нафрлувањето на Рафаел Леао и успеа да го израмни резултатот.

Сега и двата тима имаат по 57 бода и ја продолжуваат трката за пласман во Лигата на шампионите.