Селекторот на Италија, Лучијано Спалети, зборуваше по поразот на неговиот тим со 1-3 од Франција во последниот натпревар од групната фаза на Лигата на нации.
„Сè можеше да оди многу помазно, но попуштивме по еден корнер. Играта беше израмнета и чувствувавме дека можеме да се вратиме, но направивме нови грешки. Потоа Франција се затвори и беше тешко да се најдат слободни простори пред нивниот гол. Еден од главните проблеми беше што требаше подобро да ја контролираме топката“, изјави Спалети.
Натпреварот беше директна пресметка за првото место во групата 2 од Лига А.
„Аѕурите“ не успеаја да завршат како лидери во генералниот пласман, но напролет ќе играат во четвртфиналето на турнирот.
