Атлетико Мадрид продолжува со фантастичната форма во Ла Лига, остварувајќи ја својата 11-та победа во низа, а шеста последователна во домашното првенство. На домашен терен, тимот на Диего Симеоне го совлада Хетафе со минимални 1-0, освојувајќи нови три бода со кои се израмни со Барселона на врвот на табелата, со по 38 бодови.
Голот вреден победа го постигна норвешкиот напаѓач Александер Сорлот, кој одлично реагираше на центаршутот на Науел Молина од десната страна во 69.минута. Со прецизен удар со глава ја затресе мрежата на Хетафе, обезбедувајќи продолжување на победничката серија за „јорганџиите“.
Со оваа победа, Атлетико го демонстрира својот силен настап оваа сезона и го одржува притисокот врз Барселона во битката за титулата.
