Дефанзивецот на Арсенал, Сократис Папастатопулос, ќе го засили Лацио откако и официјално ќе го раскине договорот со „топчиите“. Тој беше поврзуван со можно враќање во поранешниот клуб Џенова, но раководството на „лацијалите“ успеа да ги договори деталите за негов ангажман на „Олимпико“.
На грчкиот репрезентативец му останаа уште шест месеци од договорот со Арсенал, но англискиот клуб заклучи дека е подобро да се случи спогодбена разделба во зимскиот преоден рок.
Сократис Папастатопулос ќе добие годишна плата од 2 милиони евра и договор до јуни 2022 година.
