Италија не се пласираше на Светското првенство во Катар, па овој период го искористи за пријателскиот натпревар со Албанија кој го доби со 3-1. Во 90. минута, селекторот Роберто Манчини го претстави Симоне Пафунди, офанзивниот играч за врска на Удинезе, кој настапи на возраст од 16 години и 247 дена и со тоа стана најмладиот дебитант на италијанската репрезентација во последните 100 години.
Пафунди го споредуваат со Лео Меси поради неговите играчки карактеристики и истакнуваат дека тој е префрлен во А селекцијата откако во пет натпревари за италијанската репрезентација до 17 години постигнал четири гола. Покрај тоа, Пафунди досега одигра само 22 минути за Удинезе во Серија А, во победата од 4-0 над Салернитана.
Пафунди не го собори вкупниот рекорд на италијанската репрезентација. Сè уште му припаѓа на Пјетро Антонио Гавинели, кој имаше 16 години и 97 дена кога играше против Франција (2-2) во април 1911 година. Инаку, Пафунди има договор со Удинезе до 2025 година и е соиграч на Илија Несторовски.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski