Антонио Конте е еден од најплатените европски тренери, но британските медиуми открија и дека е голем скржавец.
Со годишна плата од 15 милиони евра, Антонио Конте е меѓу најплатените тренери, а беше снимен како лета назад за Италија со нискобуџетната компанија „Рајан Ер“.
По натпреварот викендот, Конте реши да се врати во Италија, а тоа го направи со нискобуџетен лет. Иако со оглед на платата секако може да патува во прва класа, дури и со приватен авион, но одличниот тренер се одлучи за евтината опција. Токму поради оваа причина, краткиот видео-клип стана вирален.
Антонио Конте е пред отказ во Тотенхем откако ги критикуваше фудбалерите, а го навреди и клубот дека нема освоено трофеј веќе 15 години, по ремито (3-3) против Саутемптон. Во Англија веќе наголемо се зборува дека Конте е отпуштен, а тимот до крајот на сезоната го води Рајан Мејсон.
