Англискиот премиерлигаш Манчестер Сити е заинтересиран за играчот од средниот ред на Барселона, Френки де Јонг, но се соочува со силна конкуренција во шампионот на Бундес – лигата, Баерн Минхен. Пеп Гвардиола ќе се обиде да го доведе на „Итихад“ со спектакуларна размена.
Тој е подготвен да го испрати Рахим Стерлинг во Барселона за да го добие холандскиот играч за врска. Стерлинг оваа сезона го загуби местото во стартниот тим на „граѓаните“ и сака да ја промени средината. Сепак, за него Манчестер Сити бара отштета од 80 милиони евра.
Манчестер Сити и Барселона имаат одлични односи во последниот период. Летово од Сити во Барса дојдоа двајца фудбалери, Ерик Гарсија и Серхио Агуеро.
