Италијанскиот калчолигаш Лацио ќе го задржи стратегот Симоне Инзаги до 2023 година. Раководството на клубот успеа да го убеди актуелниот тренер за продолжување на соработката во наредните две и пол сезони. ж
Според новиот договор, Симоне Инзаги годишно ќе заработува 2,4 милиони евра, плус бонуси, а посебна ставка во договорот е награда од 500.000 евра за шефот на стручниот штаб доколку успее со Лацио повторно да обезбеди пласман во Лигата на шампионите.
„Лацијалите“ во моментот се наоѓаат на седмата позиција на табелата со 31 бод, но само три помалку од третопласираниот Наполи.
