Симон Кјаер, искусниот дански дефанзивец, објави крај на својата фудбалска кариера на 35-годишна возраст. Неговиот последен натпревар беше за репрезентацијата на Данска против Норвешка на 8 јуни, а откако не успеа да пронајде нов клуб ова лето, и покрај неколкуте понуди, реши да се повлече од активното играње.
„Навистина е време да го завршам овој дел од својот живот. Во моите мисли, сакав да ја завршам кариерата во Милано. Знам дека не можев да имам подобар крај на кариерата“, изјави Кјаер.
Кјаер имаше богата и успешна кариера, настапувајќи за клубови како Митјиланд, Палермо, Волфсбург, Рома, Лил, Фенербахче, Севилја, Аталанта и Милан. Познат по својот лидерски дух и стабилност во одбраната, Кјаер ќе остане запаметен како еден од најдобрите дански дефанзивци во последните две децении.
