Тренерот на Атлетико Мадрид, Диего Симеоне, зборуваше по ремито 1-1 во дербито против Реал Мадрид.
„Одигравме добро прво полувреме, но во завршницата ни недостигаше смиреност за да бидеме поефикасни. Второто полувреме почна со нивни гол, статива и поголем интензитет од нивна страна“, изјави Симеоне.
„Џулијано Симеоне имаше свои шанси, Љоренте исто така доби уште две можности, а на крајот натпреварот заврши нерешено, иако двата тима можеа да одиграат подобро“, додаде аргентинскиот стратег.
„Мислам дека можевме да бидеме поефикасни во клучните ситуации во казнениот простор, не бевме прецизни како на некои претходни натпревари. Во второто полувреме имавме неколку контранапади, кои можевме подобро да ги искористиме“, потенцираше Симеоне.
„Имаше моменти кога можевме да одиграме подобро, но не успеавме. Имав чувство дека можевме да извлечеме повеќе од овој натпревар“, заклучи тренерот на Атлетико.
