Македонскиот прволигаш Силекс доведе уште едно засилување од странство. Нов член на кратовскиот тим е Алдин Хрвановиќ, офанзивен играч за врска кој треба да ја засили конкуренцијата во средниот ред.
Тој доаѓа од босанскиот прволигаш Слобода Тузла, има 26 години и значително искуство, настапувал во кариерата и за Зрињски и за Железничар, па јасно е дека треба да донесе нов квалитет во составот на Александар Васоски.
Силекс, пред заминувањето за Анталија, во понеделник ќе одигра пријателски натпревар со Македонија ЃП.
