Повратникот во елитата, тимот на Силекс го доведе првото странско засилување. Кратовскиот тим потпиша договор со српскиот фудбалер Марко Маринковиќ.
Тој игра на позицијата стопер и треба да ја пополни празнината во одбраната по заминувањето на Стојан Стојчевски. Последен клуб му е српскиот Добановци Будуќност.
Марко Маринковиќ има настапувано и за Нови Пазар, Напредак, Борац, БСК Борча, Синѓелиќ, Смедерево, а кариерата ја почнал во младинската академија на Црвена Звезда. Српскиот стопер во странство настапуваше и за Спартак Трнава и за Слобода Тузла.
