Младинскиот репрезентативец на Македонија, Дарко Чурлинов, го напушти Келн и ќе ја продолжи кариерата во тимот на Штутгарт. Тој од денеска и официјално почна со тренинзи со новиот клуб, но бидејќи трансферот се уште не е целосно комплетиран тој мораше да добие дозвола „како гостин“ да работи со новите соиграчи.
„Можеме да потврдиме дека се договоривме со Штутгарт за трансферот на Дарко Чурлинов. Останува уште да се средат завршните формалности за трансферот да се официјализира, но Чурлинов од денеска „со гостинска дозвола“ почна со тренинзи во Штутгарт“ – објави Келн преку официјално клупско соопштение.
Чурлинов на стартот на сезонава беше дел од плановите за првиот тим на Келн, дури и настапи како резерва во рамките на Бундес-лигата, но како што одминуваше времето, така неговата улога во екипата беше маргинализирана. Во ситуација кога неговиот договор со Келн беше блиску до завршување, „овните“ решија да дадат зелено светло за негово заминување.
Herzlichen willkommen beim #VfB, Darko #Churlinov! ?? pic.twitter.com/Y310X8lf3d
— VfB Stuttgart (@VfB) January 7, 2020
