Килијан Мбапе е еден од најдобрите напаѓачи во светот во овој момент, но оваа година не му оди во Лигата на шампионите. Статистика е немилосрдна и вели дека Мбапе нема постигнато ниеден гол во елитното европско клупско натпреварување во 2020 година. Тоа секако е премногу за голгетер од негов калибар.
Пари Сен Жермен синоќа оствари многу важна победа (1-0) над Лајпциг и ги зголеми шансите за пласман во нокаут фазата, а стрелец на голот беше Нејмар од пенал. Мбапе го одигра осмиот меч во Лигата на шампионите во 2020 година, вклучувајќи и мечевите од минатогодишното издание во оваа календарска година, но нниту еднаш не се запиша меѓу стрелците. Можеби ги „чува“ за кога ќе му требаат најмногу на ПСЖ.
