Пелистер, по претходните победи на контролните дуели, вчера во Охрид ремизираше без голови со македонскиот претставник во Лигата на Европа, Ренова.
Шефот на стручниот штаб, Зоран Штерјоски не е најзадоволен од играта на своите избраници во првото полувреме, наведувајќи дека има што за корекции пред првенството. Но, потенцира дека, и покрај тоа што не лесно да се состави мозаикот кога имате седум нови фудбалери, Пелистер ќе биде на највисоко ниво во новата сезона од Првата лига.
„Не игравме најдобро во првото полувреме и сами ја компликувавме ситуацијата на теренот. Во второто заигравме добро, креиравме неколку прилики за погодок, но не успеавме да погодоиме. Генерално сум задоволен од подготовките и ангажирањето на фудбалерите. Наша најголема задача е и ќе биде да се вклопат новите седум фудбалери во екипата. Не е лесно да се состави мозаикот, но јас верувам во квалитетен Пелистер“ – ни изјави Штерјоски.
