Шкупи е неколку класи подобар тим, а Реналдо Цефас е незадржлив за одбраната на Хегелман. Противникот немаше решение за брзиот фудбалер на Шкупи кој на првиот дуел сам постигна четири гола.
Шкупи има предност од 5-0 и речиси сигурно е во следното коло каде ги чека дуел со Левски, но ќе мора да го одработат и вечерашниот реванш на арената „Тодор Проески“ во Скопје.
„Уште десетпати да играме, нема да победиме толку убедливо. Но, Реналдо Цефас, а и сите останати одиграа одличен меч против Хегелман. Сега нема да се опуштиме, сакам уште едно добро издание, а сигурно и противникот нема да биде повторно на тоа ниво. Затоа мораме да бидеме максимално внимателни и професионални“, изјави тренерот Арслан.
Мечот меѓу Шкупи и Хегелман се игра вечерва од 21 часот на нашиот најголем стадион.
