Лидерот на табелата во македонскиот шампионат, тимот на Шкупи, ангажираше уште едно квалитетно засилување за вториот дел од сезоната. Нов фудбалер на тимот од Чаир е Ѓорѓи Стоилов.
26-годишниот Стоилов до неодамна беше дел од тимот на Зира од Азербејџан, а претходно настапуваше за струмичкиот прволигаш Академија Пандев.
„Мило ми е што потпишав со тим како Шкупи. Овој клуб има традиција во македонскиот фудбал и целите за оваа сезона се јасни. Исклучително сум среќен што сум дел од тим со многу квалитетни играчи. Кој не би сакал да игра за Шкупи – клуб со историја и жестоки навивачи“, изјави Стоилов за официјалната веб-страница на клубот.
Ѓорѓи Стоилов е во Анталија и со тим, а ќе дебитира на денешниот пријателски натпревар против Факел.
