Раководството на Шкендија преку соопштени ја потврди информацијата дека двајца членови на тетовскиот клуб се позитивни на Ковид-19. Тетовци истакнаа дека заболените веднаш се ставени во самоизолација, а во клубот со нетрпение се очекуваат резултатите од вторите тестови врз овие лица.
„Шкендија сака да ја информира јавноста дека на 30 мај беше извршено тестирање за Ковид-19 врз членовите на нашиот клуб, во организација на Синдикатот на фудбалери, во лабораторијата на приватната болница Аџибадем Систина. За жал, денеска бевме информирани дека два члена на нашиот клуб се позитивни на Ковид-19. Во интерес на веродостојност на резултатите, клубот веднаш покрена процедура за извршување на втори тестови врз двајцата позитивни. Почитувајќи ги одлуките на компетентните институции, тие се ставени во самоизолација, а клубот ќе ги повлече наредните потези во координација со Институтот за Јавно Здравје и со Фудбалската Федерација на Македонија. Нема да даваме дополнителни изјави на оваа тема“, се вели во соопштението на ФК Шкендија.
-
Ексклузивна колумна на Филип Лам: Франц Бекенбауер и наследството што ни го остави
Годината започнува многу тажно. Почина Франц Бекенбауер. На германскиот фудбал му даде повеќе од...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski