Лидерот Шкендија гостува во Струмица во 17.коло, а на дуелот против Академија Пандев ќе биде без репрезентативецот Енур Тотре. Тој собра пет жолти картони и ќе мора да паузира на овој меч, исто како и повредениот Мевљан Мурати за кого заврши есенскиот дел од шампионатот. Но, тетовци се уверени дека имаат капацитет да слават. Љупчо Дориев се враќа „дома“, во добро познатата средина.
Академија Пандев со триумфот над Борец малку ја крена атмосферата и го подобри бодовното салдо, но се уште е тоа далеку од задоволувачки за тимот кој имаше многу поголеми амбиции. Можеби и затоа мечот против Шкендија е вистински предизвик за составот на Југослав Тренчовски вистински да се разбуди.
Ратко Достаниќ успеа да го живне Работнички, изданието во минатото коло беше одлично, а сега „романтичарите“ сакаат серијата да продолжи и во авантурата крај езерото. Струга Трим Лум е сигурен домаќин, таму ретко кој освојува бодови, па тоа ќе и мисијата на „романтичарите“.
Борец во Велес е неприкосновен, а денеска го пречекува составот на Силекс. Пелистер заборавил кога последне пат победил, а и ќе нема подобра можност од гостувањето на Беласица под „Тумбе кафе“.
Дербито на колото се игра на арената „Тодор Проески“, Вардар е домаќин на Македонија Ѓорче Петров.
Standings provided by SofaScore LiveScore
