Поранешниот селектор на украинската репрезентација Андриј Шевченко е еден од најсериозните кандидати за предводник на репрезентацијата на Турција, информира германски „Кикер“.
За оваа позиција се споменува и Штефан Кунц, кој е селектор на младата селекција на Германија до 21 година. Претходно, тој веќе ја посети Турција на покана од Фудбалската федерација на земјата, но не беше постигнт финален договор.
Турската репрезентација беше предводена од Шенол Гунеш. Тој ја напушти функцијата овој месец откако доживеа убедлив пораз од Холандија (1-6) во квалификацискиот натпревар за СП 2022 година.
Шевченко работеше со украинската репрезентација од 2016 година. Под негово водство, Украина стигна до четвртфиналето на ЕВРО 2020.
