Полскиот голман Војчех Шчесни се врати од пензија и од денеска и официјално е нов член на Барселона, потврди каталонскиот гигант. Тој потпиша договор до крајот на сезоната и треба да биде замена за повредениот Марк-Андре тер Штеген.
Шчесни вчера ги мина медицинските прегледи, го следеше од трибините мечот на Барселона против Јанг Бојс, а денеска и официјално е претставен како ново засилување.
Тер Штеген ќе ја пропушти целата сезона, а Шчесни најверојатно треба да биде првиот избор на тренерот Ханси Флик, откако ќе влезе во тренажен ритам со екипата.
