Аргентинскиот интернационалец Папу Гомез ќе ја напушти Аталанта до крајот на зимскиот преоден рок, а италијанскиот калчолигаш не сака да му дозволи да замине во конкурент за највисок пласман во Серија А. за него се интересираат Интер, Милан и Јувентус, но најверојатно ќе мора да замине надвор од Италија.
Херта покажа интерес за Папу Гомез, а сега Севилја е првиот клуб од Ла Лига кој би сакал да го доведе во тимот како позајмен играч до крајот на сезоната.
Алехандро Гомез имаше жестока караница со тренерот на Аталанта, Џанпјеро Гасперини, и поради тоа ќе мора да си замине од клубот од Бергамо во зимскиот преоден рок.
