Севилја ја оствари 12. победа во Ла Лига оваа сезона откако славеше со 0-1 на гостувањето кај Кадиз. Домаќинот и понатаму нема ниеден триумф на домашен терен, а трите бода за Севилја ги грабна Лукас Окампос со погодокот во 57.минута од дуелот.
Севилја сега има пет бода негатива во однос на лидерот Реал Мадрид, а тимот од Андалузија има и еден одигран меч помалку, доколку го добие ќе ја направи суперинтересна битката за шампионската титула.
