Досегашниот фудбалер на Тотенхем, Серж Орие, би можел да остане во Премиер – лигата и како слободен агент да потпише договор со Арсенал. Тој размислува да им се приклучи на „топчиите“ откако во последниот ден од преодниот рок го раскина договорот со Тотенхем.
Арсенал значително ја реновираше одбраната, го доведе Бен Вајт во клупски најскап трансфер, а во последниот ден од трансфер прозорецот го ангажираше и Такехиро Томијасу од Болоња. Сепак, Хектор Белерин замина на позајмица во Бетис, а Серж Орие би требало да ја зголеми конкуренцијата токму на десната бековска позиција.
