Се очекуваше Серхио Рамос да ја заврши играчката кариера во Севилја и деа стави потпис на нов едногодишен договор, но како што стојат работите 38-годишниот дефанзивец повторно ќе го смени клубот.
Рамос има опција да остане во Севилја, но по сѐ изгледа дека е решен да се обиде надвор од Европа. Сепак, неговата дестинација нема да биде Саудиска Арабија од каде што имаше неколку понуди, туку тој сака кариерата да ја продолжи во САД.
Се шпекулираше дека за него е заинтересиран Интер Мајами и дека Рамос во тој клуб би можел да им се придружи на Меси, Суарез, Бускетс и Жорди Алби, но според најавите од преку Атлантикот, Рамос е поблиску до преселба во Сан Диего.
