Серхио Рамос е блиску до продолжување на кариерата во мексиканскиот клуб Монтереј. Според информациите, 38-годишниот поранешен дефанзивец на Реал Мадрид и Севилја води преговори со Монтереј и е подготвен да потпише договор со плата од 4 милиони долари годишно.
Рамос инсистира на двегодишен договор, додека клубот нуди едногодишна соработка.
Претседателот на Монтереј, Антонио Нориега, потврди дека Рамос е една од опциите за засилување на тимот и дека преговорите се во тек.
Во последната сезона, Рамос одигра 37 натпревари за Севилја во сите натпреварувања, постигнувајќи седум голови и една асистенција. Од јули 2024 година, тој е слободен агент откако ја напушти Севилја.
Се очекува наскоро официјална потврда на трансферот.
