Ото Адо, откако беше елиминиран од Мундијалот по натпреварувањето во групната фаза, потврди дека веќе нема да биде селектор на репрезентацијата на Гана, која заврши на последното место во групата Х.
„Јасно кажав и претходно дека си одам после Светско првенство. Тоа ќе се случеше дури и да станевме шампиони. Моментално јас и моето семејство ја гледаме нашата иднина во Германија. Ми се допаѓа улогата што ја имам во Дортмунд”, изјави Адо, кој вообичаено работи како „тренер за таленти“ во Борусија.
Адо е четвртиот селектор кој ја напушта клупата на својата репрезентација по испаѓањето во групната фаза. Тоа претходно го направија Роберто Мартинез (Белгија), Карлос Квеирош (Иран) и Херардо Мартино (Мексико).
