Челниците на Фудбалската федерација на Македонија предводени од претседателот Мухамед Сејдини, имаа срдечна средба со високата делегација од италијанската фудбалска федерација предводена од претседателот Габриеле Гравина, и амбасадорот на Италија во Македонија Андреа Силвестри.
„Иако ги победивме во Палермо и ги оставивме без настап на светското првенство во Катар нашето пријателство се зацврсти, со една од најмоќните федерации во светскиот фудбал, што е многу значајно за мала земја како нас и унапредување на нашиот фудбал.
Сигурен сум дека позитивната атмосфера и насмевките ќе останат и вечерва после последниот свиреж на судијата без разлика на резултатот а нормално сите ние посакуваме уште една голема радост и победа од нашите момци“, истакна Сејдини.
