Поранешниот македонски репрезентативец Игор Митревски се појави во емисијата „СЕГА Е НАШЕ ВРЕМЕ“, порача дека Македонија е стопроцентен фаворит против Косово, игра на домашен терен и не смее да ја пропушти шансата за пласман на Европско првенство.
„Сите чекаме пласман на Европско првенство. Мислам дека сме стопроцентни фаворити против Косово. Имаме квалитетна, воиграна репрезентација, ќе играме на домашен терен иако нема публика и верувам дека Македонија ќе избори пласман во финалето на плејофот, а потоа и пласман на ЕП, исполнување на сонот на сите генерации“, изјави Игор Митревски.
