Македонскиот првак Шкупи утревечер (21 часот) на арената „Тодор Проески“ во Скопје го пречекува косовскиот тим Балкани во првиот меч од плејофот за влез во групите од Конференциската лига на УЕФА. Тренерот Гоце Седлоски има респект за ривалот и вели дека тимот е подготвен за предизвикот.
„Балкани е квалитетен тим, одигравме пријателски натпревар со нив во текот на подготовките, а сега ќе се сретнеме за пласман во групите од Конференциската лига на УЕФА. Бевме малку разочарани по елиминацијата од Шамрок, но сега сме максимално фокусирани на овој двомеч. Мислам дека сме подготвени за предизвикот и треба да одиграме најдобро што знаеме. Во таков случај, уверен сум дека успехот ќе дојде“, изјави Гоце Седлоски.
