Германскиот репрезентативец Серж Гнабри залудно пропушти два меча за Баерн Минхен, откако го згрешиле неговиот тест за Covid-19. Тој беше позитивен на коронавирусот пред мечот со Атлетико Мадрид во Лигата на шампионите, но подоцна е утврдено дека всушност се работи за грешка.
Гнабри не играше против Атлетико Мадрид во Лигата на шампиони, не беше дел од тимот на мечот против Ајнтрахт Франкфурт во Бундес-лигата. Баерн Минхем оствари убедливи победи, но Гнабри залудно останал во изолација.
Баерн Минхен побарал ново тестирање за офанзивецот на кое е утврдено дека била направена грешка претходниот пат, а резултатот е негативен на коронавирусот. Гнабри е веднаш „ослободен“ од изолација и може да се врати на тренинзите на тимот.
