Барселона ја оствари 15. победа во Ла Лига оваа сезона откако тимот на Чави Хернандез славеше на гости против Алавес со 1-3.
Новиот напаѓач Витор Роке постигна гол, но доби и црвен картон, а веројатно многу поважно за каталонскиот тим е што се разбуди и Роберт Левандовски.
Полјакот во 22.минута донесе водство за Барселона, а Илкај Гундоган на почетокот на вториот дел зголеми на 0-2. Самуел Омородион ја врати неизвесноста со голот во 51.минута, но потоа Витор Роке ги разреши дилемите со третиот погодок за Барса во 63.минута.
