Турскиот интернационалец Хакан Чалханоглу одбил неверојатна понуда од Саудиска Арабија. Ал-Хилал на играчот за врска на Интер му понудил договор на четири години и 18 милиони евра по сезона, но, сепак, очигледно дека не е сѐ во парите.
Поранешниот фудбалер на Милан и на Баер Леверкузен не се залета по одличната понуда.
Сезонава се истакнува со одлични игри во дресот на „нераурите“ каде има трипати помали приходи отколку што би имал во Саудиска Арабија.
Чалханоглу му се приклучи на Интер од Милан претходното лето откако му истече договорот со „росонерите“.
