Крилниот напаѓач на Болоња, Никола Сансоне, кој го постигна победничкиот гол за победа од 2-1 над Интер, даде интересна изјава по натпреварот поради важноста на неговиот гол во битката за „скудетото“ меѓу „нероаѕурите“ и Милан.
„Навистина се надевам дека ќе ми се јави Малдини или некој друг од Милан. Барем да ми се заблагодарат или да ме ангажираат за следната сезона да играм во Лигата на шампионите“, изјави Сансоне, кој не крие дека како дете бил навивач на „росонерите“.
Главен виновник за овој гол беше чуварот на мрежата на Интер, Јонут Раду, кој буквално ја промаши топката пред гол – линијата и дозволи таа како подарок да дојде до Сансоне, кој од еден метар ја спроведе во мрежата.
